På Tynnøl bur ein i gamle tømrahus på garden. Felles sørvisavdeling finst i kjellaren på våningshuset.
Utsikten
Utsikten ligg flott til på nedsida av våningshuset med utsikt over dalen og kort veg inn til sørvisavdelinga i kjellaren. På Utsikten er det ei dobbeltseng, bord og stolar.
Eldhuset
Eldhuset ligg fint til øvst på tunet. Her er det ei dobbeltseng, ei barneseng som òg kan tene som sofa, bord og stolar, lenestol og skrivebord. Huset stod tidlegare på ein annan gard på Lesja, men vart kjøpt og flytt hit på 1980-talet.
Stabburet
I stabburet har vi eit familierom og ein sovesal. Vi leiger ikkje ut dette huset for tida.
Setra på Kvita
Vi har seter på Kvita på Dalsida som det er mogleg å leige når vi ikkje brukar henne sjølv. Her er det 230 V straum frå solcellepanel, gasskomfyr til koking og både vedomn og gassomn til oppvarming. Vatn hentar ein i bekken eller tek med sjølv. Gamalselet (til venstre) har tre sengeplassar og sovesofa, og nyselet fem sengeplassar og sovesofa. Ein må leige i minst to netter på Kvita.
Fellesareal og sørvisavdeling
I kjellaren på våningshuset på Tynnøl er det felles sørvisavdeling med kjøken, bad og dusj. På kjøkenet er det spisebord, kjøleskap, oppvaskhjørne, ein liten komfyr, mikrobølgjeomn, kokeutstyr, servise og bestikk. Gratis kaffe og te. Vi bed om at alle vaskar opp etter seg sjølve og sorterer avfall.
Det er også ein mura grill på tunet og benkebord og leikestativ nedanfor våningshuset som gjestar kan bruke fritt. Parkering er gratis.
